Великий акафист: похвала Пресвятой Богородице. Статия 1

Церковнославянский

Русский

Кондак 1

Взбра́нной Воево́де победи́тельная, я́ко изба́вльшеся от злых, благода́рственная воспису́ем Ти раби́ Твои́, Богоро́дице; но я́ко иму́щая держа́ву непобеди́мую, от вся́ких нас бед свободи́, да зове́м Ти: ра́дуйся, Неве́сто неневе́стная.

Обороняющей нас Военачальнице за избавление от страшных бед учреждаем Тебе торжества победы благодарственные мы, рабы Твои, Богородица! Но Ты, как имеющая власть необоримую, от всяческих опасностей нас освободи, да взываем Тебе: «Радуйся, Невеста, брака не познавшая!»

Икос 1

А́нгел предста́тель с Небесе́ по́слан бысть рещи́ Богоро́дице: ра́дуйся, и со безпло́тным гла́сом воплоща́ема Тя зря, Го́споди, ужаса́шеся и стоя́ше, зовы́й к Ней такова́я:

Ангел-предводитель послан был с небес сказать Богородице: «Радуйся!» И, созерцая Тебя, Господи, при этом бесплотном возгласе воплощающимся, изумлялся, и стоял, так к Ней возглашая:

Ра́дуйся, Е́юже ра́дость возсия́ет;

Радуйся, ибо чрез Тебя радость воссияет;

ра́дуйся, Е́юже кля́тва изче́знет.

радуйся, ибо чрез Тебя проклятие исчезнет.

Ра́дуйся, па́дшаго Ада́ма воззва́ние;

Радуйся, падшего Адама призвание к спасению;

ра́дуйся, слез Е́виных избавле́ние.

радуйся, Евы от слез избавление.

Ра́дуйся, высото́ неудобовосходи́мая челове́ческими по́мыслы;

Радуйся, высота, недосягаемая для мыслей человеческих;

ра́дуйся, глубино́ неудобозри́мая и а́нгельскима очи́ма.

радуйся, глубина, непроницаемая и для ангельских очей.

Ра́дуйся, я́ко еси́ Царе́во седа́лище;

Радуйся, ибо Ты – седалище Царя;

ра́дуйся, я́ко но́сиши Нося́щаго вся.

радуйся, ибо Ты носишь Носящего все.

Ра́дуйся, Звездо́, явля́ющая Со́лнце;

Радуйся, звезда являющая Солнце;

ра́дуйся, утро́бо Боже́ственнаго воплоще́ния.

радуйся, чрево Божественного воплощения.

Ра́дуйся, Е́юже обновля́ется тварь;

Радуйся, ибо Тобою обновляется творение;

ра́дуйся, Е́юже покланя́емся Творцу́.

радуйся, ибо в Тебе Младенцем становится Творец.

Ра́дуйся, Неве́сто неневе́стная.

Радуйся, Невеста, брака не познавшая.

Кондак 2

Ви́дящи Свята́я Себе́ в чистоте́, глаго́лет Гаврии́лу де́рзостно: пресла́вное твоего́ гла́са неудобоприя́тельно души́ Мое́й явля́ется: безсе́меннаго бо зача́тия рождество́ ка́ко глаго́леши, зовы́й: Аллилу́иа.

Святая, видя Себя в чистоте, говорит Гавриилу дерзновенно: «Странное слово твое неприемлемым душе моей представляется; ибо как ты говоришь о чревоношении от бессеменного зачатия, восклицая: Аллилуиа!»

Икос 2

Ра́зум недоразумева́емый разуме́ти Де́ва и́щущи, возопи́ к служа́щему: из боку́ чи́сту, Сы́ну ка́ко есть роди́тися мо́щно, рцы Ми? К Нейже он рече́ со стра́хом, оба́че зовы́й си́це:

Познать недоступное познанию ища, Дева воскликнула, обращаясь к служителю таинства: «Из чистых недр как возможно родиться Сыну, скажи Мне?» Тот же ответил Ей со страхом, но все же так возглашая:

Ра́дуйся, сове́та неизрече́ннаго Таи́ннице;

Радуйся, тайны замысла неизреченного Служительница;

ра́дуйся, молча́ния прося́щих ве́ро.

радуйся, дел, молчания требующих, верность.

Ра́дуйся, чуде́с Христо́вых нача́ло;

Радуйся, чудес Христовых начало;

ра́дуйся, веле́ний Его́ глави́зно.

радуйся, догматов о Нем основа.

Ра́дуйся, ле́ствице небе́сная, Е́юже сни́де Бог;

Радуйся, лестница небесная, по которой сошел Бог;

ра́дуйся, мо́сте, преводя́й су́щих от земли́ на не́бо.

радуйся, мост, переводящий тех, кто от земли, на небо.

Ра́дуйся, А́нгелов многослову́щее чу́до;

Радуйся, много славимое Ангелами чудо;

ра́дуйся, бесо́в многоплаче́вное пораже́ние.

радуйся, многоплачевное бесов поражение.

Ра́дуйся, Свет неизрече́нно роди́вшая;

Радуйся, Свет неизъяснимо родившая;

ра́дуйся, е́же ка́ко, ни еди́наго же научи́вшая.

радуйся, никому как то было не открывшая.

Ра́дуйся, прему́дрых превосходя́щая ра́зум;

Радуйся, превышающая познание мудрых;

ра́дуйся, ве́рных озаря́ющая смы́слы.

радуйся, озаряющая мысли верных.

Ра́дуйся, Неве́сто неневе́стная.

Радуйся, Невеста, брака не познавшая.

Кондак 3

Си́ла Вы́шняго осени́ тогда́ к зача́тию Браконеиску́сную, и благопло́дная Тоя́ ложесна́, я́ко село́ показа́ сла́дкое, всем хотя́щим жа́ти спасе́ние, внегда́ пе́ти си́це: Аллилу́иа.

Сила Всевышнего тогда осенила к зачатию брака не познавшую и плодоносное чрево Ее как бы нивой явила сладостной для всех, желающих пожинать спасение, воспевая так: Аллилуиа!

Икос 3

Иму́щи Богоприя́тную Де́ва утро́бу, востече́ ко Елисаве́ти: младе́нец же о́ноя а́бие позна́в Сея́ целова́ние, ра́довашеся, и игра́ньми я́ко пе́сньми вопия́ше к Богоро́дице:

Имея чрево, Бога принявшее, поспешила Дева к Елисавете; младенец же той, тотчас узнав Ее приветствие, радовался, и взыграниями, как бы песнями, взывал к Богородице:

Ра́дуйся, О́трасли неувяда́емыя розго́;

Радуйся, Ростка неувядаемого ветвь;

ра́дуйся, Плода́ безсме́ртнаго стяжа́ние.

радуйся, Плода бессмертного удел.

Ра́дуйся, Де́лателя де́лающая Человеколю́бца;

Радуйся, возделывающая Земледельца человеколюбивого;

ра́дуйся, Сади́теля жи́зни на́шея ро́ждшая.

радуйся, Насадителя жизни нашей рождающая.

Ра́дуйся, Ни́во, растя́щая многопло́дие щедрот.

Радуйся, нива, растящая сострадания богатый урожай;

ра́дуйся, Трапе́зо, нося́щая оби́лие очище́ния.

радуйся, трапеза, носящая обилие умилостивления.

Ра́дуйся, я́ко рай пи́щный процвета́еши;

Радуйся, ибо Ты лугу роскошному расцвести даешь;

ра́дуйся, я́ко приста́нище душа́м гото́виши.

радуйся, ибо Ты пристанище для душ готовишь.

Ра́дуйся, прия́тное моли́твы кади́ло;

Радуйся, ходатайства приятный фимиам;

ра́дуйся, всего́ ми́ра очище́ние.

радуйся, всего мира искупление.

Ра́дуйся, Бо́жие к сме́ртным благоволе́ние;

Радуйся, Божие к смертным благоволение;

ра́дуйся, сме́ртных к Бо́гу дерзнове́ние.

радуйся, смертных перед Богом дерзновение.

Ра́дуйся, Неве́сто неневе́стная.

Радуйся, Невеста, брака не познавшая.

Кондак 4

Бу́рю внутрь име́я помышле́ний сумни́тельных, целому́дренный Ио́сиф смяте́ся, к Тебе́ зря небра́чней, и бракоокра́дованную помышля́я, Непоро́чная; уве́дев же Твое́ зача́тие от Ду́ха Свя́та, рече́: Аллилу́иа.

Бурю имея в себе мыслей сомнительных, целомудренный Иосиф пришел в смущение, смотря на Тебя, безбрачную и подозревая, что нарушила чистоту, Ты, Непорочная; узнав же о зачатии Твоем от Духа Святого, возгласил: Аллилуиа!