Великий акафист: похвала Пресвятой Богородице. Статия 3

Церковнославянский

Русский

Икос 7

Но́вую показа́ тварь, я́влься Зижди́тель нам от Него́ бы́вшим, из безсе́менныя прозя́б утро́бы, и сохрани́в Ю, я́коже бе, нетле́нну, да чу́до ви́дяще, воспои́м Ю, вопию́ще:

Небывалое дело показал Творец, явившийся нам, Им сотворенным, произросши без семени из чрева Девы и сохранив Ее, как и была Она, неповрежденной, чтобы, видя чудо, мы Ее воспели, возглашая:

Ра́дуйся, цве́те нетле́ния;

Радуйся, цвет нетления;

ра́дуйся, ве́нче воздержа́ния.

радуйся, венец воздержания.

Ра́дуйся, воскресе́ния о́браз облиста́ющая;

Радуйся, сияние воскресения отображающая;

ра́дуйся, а́нгельское житие́ явля́ющая.

радуйся, жизнь ангельскую являющая.

Ра́дуйся, дре́во светлоплодови́тое, от него́же пита́ются ве́рнии;

Радуйся, дерево с прекрасными плодами, от которого питаются верные;

ра́дуйся, дре́во благосенноли́ственное, и́мже покрыва́ются мно́зи

радуйся, дерево с тенистою листвою, под которым укрываются многие.

Ра́дуйся, во чре́ве нося́щая Изба́вителя плене́нным;

Радуйся, носившая во чреве Искупителя плененных;

ра́дуйся, ро́ждшая Наста́вника заблу́дшим.

радуйся, родившая Путеводителя заблудших.

Ра́дуйся, Судии́ праведнаго умоле́ние;

Радуйся, Судии праведного умилостивление;

ра́дуйся, мно́гих согреше́ний проще́ние.

радуйся, многих согрешений прощение.

Ра́дуйся, оде́ждо наги́х дерзнове́ния;

Радуйся, одежда для лишенных дерзновения;

ра́дуйся, любы́, вся́кое жела́ние побежда́ющая.

радуйся, любовь, всякое желание превосходящая.

Ра́дуйся, Неве́сто неневе́стная.

Радуйся, Невеста, брака не познавшая.

Кондак 8

Стра́нное рождество́ ви́девше, устрани́мся ми́ра, ум на небеса́ прело́жше: сего́ бо ра́ди высо́кий Бог на земли́ яви́ся смире́нный челове́к, хотя́й привлещи́ к высоте́ Тому́ вопию́щия: Аллилу́иа.

Необычайное рождение увидев, устранимся от мира, ум устремив на небо. Ибо для того всевышний Бог явился на земле как смиренный человек, желая привлечь к высоте восклицающих Ему: Аллилуиа!

Икос 8

Весь бе в ни́жних и вы́шних ника́коже отступи́ неописа́нное Сло́во: снизхожде́ние бо Боже́ственное, не прехожде́ние же ме́стное бысть, и рождество́ от Де́вы Богоприя́тныя, слы́шащия сия́:

Все было в странах дольних, и нисколько горних не оставило Беспредельное Слово; ибо сошествие Божественное, но не перемена места произошло, и рождение от Девы, Бога принявшей, слышащей от нас такие слова:

Ра́дуйся, Бо́га невмести́маго вмести́лище;

Радуйся, Бога невместимого обитель;

ра́дуйся, честна́го та́инства две́ри.

радуйся, священного таинства дверь.

Ра́дуйся, неве́рных сумни́тельное слы́шание;

Радуйся, для неверных сомнительное известие;

ра́дуйся, ве́рных изве́стная похвало́.

радуйся, для верных несомненная похвала.

Ра́дуйся, колесни́це пресвята́я Су́щаго на Херуви́мех;

Радуйся, колесница пресвятая Восседающего на Херувимах;

ра́дуйся, селе́ние пресла́вное Су́щаго на Серафи́мех.

радуйся, жилище прекраснейшее Восседающего на Серафимах.

Ра́дуйся, проти́вная в то́жде собра́вшая;

Радуйся, противоположное воедино собравшая;

ра́дуйся, де́вство и рождество́ сочета́вшая.

радуйся, девство и рождение сочетавшая.

Ра́дуйся, Е́юже разреши́ся преступле́ние;

Радуйся, ибо через Тебя заглажено преступление;

ра́дуйся, Е́юже отве́рзеся рай.

радуйся, ибо через Тебя открылся рай.

Ра́дуйся, ключу́ Ца́рствия Христо́ва;

Радуйся, ключ Царства Христова;

ра́дуйся, наде́ждо благ ве́чных.

радуйся, надежда на блага вечные.

Ра́дуйся, Неве́сто неневе́стная.

Радуйся, Невеста, брака не познавшая.

Кондак 9

Вся́кое естество́ а́нгельское удиви́ся вели́кому Твоего́ вочелове́чения де́лу; непристу́пнаго бо я́ко Бо́га, зря́ще всем присту́пнаго Челове́ка, нам у́бо спребыва́юща, слы́шаща же от всех: Аллилу́иа.

Весь мир Ангельский поразился великому Твоего вочеловечения делу; ибо Того, Кто как Бог неприступен, созерцал он всем доступным человеком, с нами пребывающим и слышащим от всех: Аллилуиа!

Икос 9

Вети́я многовеща́нныя, я́ко ры́бы безгла́сныя ви́дим о Тебе́, Богоро́дице, недоумева́ют бо глаго́лати, е́же ка́ко и Де́ва пребыва́еши, и роди́ти возмогла́ еси́. Мы же, та́инству дивя́щеся, ве́рно вопие́м:

Витий громогласных как рыбы безгласными мы видим пред Тобой, Богородица, ибо они не в силах объяснить, как Ты и девою пребываешь, и смогла родить. Мы же, дивясь этой тайне, с верою восклицаем:

Ра́дуйся, прему́дрости Бо́жия прия́телище,

Радуйся, Премудрости Божией вместилище;

ра́дуйся, промышле́ния Его́ сокро́вище.

радуйся, промысла Его сокровищница.

Ра́дуйся, любому́дрыя нему́дрыя явля́ющая;

Радуйся, философов неумными являющая;

ра́дуйся, хитрослове́сныя безслове́сныя облича́ющая.

радуйся, искусных в слове в неразумии обличающая.

Ра́дуйся, я́ко обуя́ша лю́тии взыска́теле;

Радуйся, ибо обезумели ловкие совопросники;

ра́дуйся, я́ко увядо́ша баснотво́рцы.

радуйся, ибо увяли сочинители сказаний.

Ра́дуйся, афине́йская плете́ния растерза́ющая;

Радуйся, хитросплетения афинян расторгающая;

ра́дуйся, ры́барския мре́жи исполня́ющая.

радуйся, сети рыбаков наполняющая.

Ра́дуйся, из глубины́ неве́дения извлача́ющая;

Радуйся, из глубины неведения извлекающая;

ра́дуйся, мно́ги в ра́зуме просвеща́ющая.

радуйся, многих в познании просвещающая.

Ра́дуйся, кораблю́ хотя́щих спасти́ся;

Радуйся, корабль для желающих спастись;

ра́дуйся, приста́нище жите́йских пла́ваний.

радуйся, пристань для пловцов по морю жизни.

Ра́дуйся, Неве́сто неневе́стная.

Радуйся, Невеста, брака не познавшая.

Кондак 10

Спасти́ хотя́ мир, И́же всех Украси́тель, к сему́ самообетова́н прии́де, и Па́стырь сый, я́ко Бог, нас ра́ди яви́ся по нам Челове́к: подо́бным бо подо́бное призва́в, я́ко Бог слы́шит: Аллилу́иа.

Желая спасти мир, всего Устроитель пришел к нему по Собственному обещанию; и, будучи пастырем, как Бог, ради нас явился Человеком, как и мы; ибо подобным подобное к Себе призвав, Он, как Бог, от всех слышит: Аллилуиа!